चित्रमा काठमाडौं

चित्रकला धेरैलाई मनपर्ने विषय । स्कुलमा अतिरिक्त कि्रयाकलापमा राखिने यो विषयको आकर्षण बढ्दैछ । त्यसैले त चित्रकलाका प्रतियोगिता विभिन्न समयमा हुँदै आएको छ । यसपाला काठमाडौंको डल्लु आवासीय विद्यालयले यसै विषयमा जिल्लास्तरीय प्रतियोगिता आयोजना गर् यो ।

प्रतियोगिताका सहभागी जगत सुन्दर स्कुलका सचेत मानन्धरले काठमाडौंमा रहेका सांस्कृतिक सुन्दरतालाई चित्रमा उतारे । ुमैले कोरेको चित्रमा पर्यटक गाइडबुक पढ्दैछन्ु उनले भने ुकाठमाडौंमा घुम्न लायकका ठाउँ पनि सँगै उतारेको थिएँ ।ु डल्लु आवासीय विद्यालयले ुपर्यटकका लागि काठमाडौंु विषयमा पहिलोपल्ट आयोजना गरेको जिल्लास्तरीय चित्रकला प्रतियोगितामा भाग लिन उनका साथी सचेतना मानन्धर पनि आएकी थिइन् । इकेडा इन्टरनेसनल स्कुलको कक्षा २ मा पढ्ने उनले जुनियर कम्पिटिसनमा भाग लिइन् भने सचेतले सिनियर कम्पिटिसनमा ।

कार्टुन र कविता मन पराउने उनले कम्पिटिसनका लागि सक्दो राम्रो चित्र कोरेको बताइन् । ुकुमारी मलाई मनपर्छ यसैको चित्र कोरेकी छुु सचेतनाले भनिन् ुसाथमा हिमाल पहाडलाई पनि सँगै मिलाएर राखेकी छु ।ु एउटै विषय भएकाले सबैले काठमाडौंकै सांस्कृतिक र प्राकृतिक सौन्दर्यलाई चित्रमा उतारे । आश्रय विद्यासदनका सुरज कुँवरले चित्रमा धरहरा पशुपतिनाथ घण्टाघरलाई प्राथमिकता दिए । कारण यिनीहरु ऐतिहासिक र सांस्कृतिक भवन हुन् । ुपशुपति हिन्दु धर्मावलम्बीको प्रमुख तीर्थस्थल होु उनले भने ुयहाँ पनि पर्यटक घुम्न आउँछन् । आजभोलि पशुपतिक्षेत्र प्रदुषित हुँदैछ ।ु यो सफा गरिएन भने काठमाडौंको एक प्रमुख तीर्थस्थलले पर्यटक गुमाउन सक्छ । यसैले यसको संरक्षणमा आजैदेखि सबैजना लाग्नुपर्ने सुरजले बताए ।

काठमाडौंलाई साँच्चिकै हराभरा बनाए के होला ुनेपालमा आउने पर्यटक सबैभन्दा पहिले यहीँ आउँछन् यही ठाउँ राम्रो भए अरु ठाँउ पनि घुम्छन्ु उनका सहपाठी सुरज श्रेष्ठले भने ुउनीहरु फर्केपछि अरुलाई पनि सुनाउँछन् र पर्यटक संख्या बढ्न सक्छ ।ु पर्यटक बढे आर्थिक उन्नतिसमेत हुने उनको भनाइ छ ।

दिनानुदिन प्रदुषित बन्दै गएको काठमाडौंबारे विद्यार्थीलाई सचॆत गराउने यस प्रतियोगितामा सहभागी हुन पाएकोमा स्वयम्भु इङ्लिस स्कुलकी साइना खड्का खुसी थिइन् । उनले शान्तिदुत गौतम बुद्धको चित्र कोरेर काठमाडौंलाई शान्तिकेन्द्र भएको जनाइन् । जलजला शिशु सदनका समनरत्म बुद्धाचार्यले आफ्नो चित्रमा प्राकृतिक र सांस्कृतिक सौन्दर्यलाई सूर्यमुखीको फूलमा सुन्दर ढंगले उतारे । प्रकृति सफा राखे संस्कृति बचाउन सजिलो हुने उनको तर्क छ । विदेशीहरु आफ्नो देशभन्दा भिन्न रमणीय स्थानको खोजीमा हुन्छन् । यही खोज्न नेपाल आउँछन् । ती वस्तु पाउन सके हामीले पर्यटन क्षेत्रमा ठूलो सफलता हात पार्न सक्ने भनाइ उनको छ ।





जुनियर-सिनियर दुवैमा छात्रा अगाडि



काठमाडौंको ४७ स्कुलका एक सय ५२ सहभागी भएको प्रतियोगितामा कक्षा ५ सम्मकालाई जुनियर र १० सम्मकालाई सिनियरमा विभाजन गरेका थिए । जुनियरमा स्मल हेभन बोर्डिङकी सुस्मिता घिमिरे पहिलो भइन् भने सिनियरमा राइजिङ स्टार स्कुलकी इनु चौधरी ।

विजयी दुवैले नगद पाँच हजार पुरस्कार तक्मा र प्रमाणपत्र पाए । पहिलोपटक सहभागी भएकी सुस्मिता पुरस्कार पाएपछि निकै खुसी भइन् । ुपहिलो हुन्छु भनी सोचेकै थिइनँु उनले हाँस्दै भनिन् ुहिम्मत हार्नु हुन्न रहेछ प्रयास गरे सफल भइँदो रहेछ ।ु चित्रकलामै निरन्तरता दिने बताउँदै इनुले आफू भविष्यमा पर्यटनमा लाग्ने इच्छा राखिन् । हानुमानढोकामा लाखे नाच हेर्दै गरेका पर्यटकलाई चित्रमा उतारेर निर्णायकको मन जित्न सफल भएकी उनी आफ्नो कलाको श्रेय आमालाई दिन्छिन् । जुनियरतर्फ प्रेतम गुरुङ दोस्रो सोनिया मल्ल तेस्रो भए भने प्रेक्षा देउजा र प्रमोद पन्तले सन्त्वना पुरस्कार पाए । यता सिनियरतर्फ आर्पणा राई दोस्रो यश्मिन श्रेष्ठ तेस्रो भए भने नितु तामाङ र मीना विकले सान्त्वना पुरस्कार पाए ।



विद्यार्थीलाई प्रोत्साहन दिन यो प्रतियोगिता गरिएको आयोजकले बताए । स्थलगत चित्रकलासमेत निकै राम्रो बनाएका विद्यार्थीले अझै राम्रो गर्न सक्ने ललितकला प्रज्ञाप्रतिष्ठानका सदस्यसचिव एवं निर्णायक मण्डलका प्रमुख केके कर्माचार्यले बताए । प्रसिद्ध चित्रकार अमर चित्रकारको सम्झनामा आयोजना गरिएको कार्यक्रमको कुलपति किरण मानन्धरले उद्घाटन गरेका थिए ।