फिफा विश्वकप २०१४-जर्मनी-रोचक पक्षहरू

 अतिरिक्त समय सकिनै लाग्दा मारियो गोत्जेले गोल गरेपछि जर्मनीले अर्जेन्टिनालाई १–० लो हराउँदै विश्वकपको उपाधि उचाल्यो । जुलाई १३ तारिख आइबार ब्राजिलको माराकाना रंगशालामा भएको घम्साघम्सीमा निर्धारित समयमा दुबैपक्षबाट गोल हुन नसकेपछि ३० मिनेट अतिरिक्ति समय थपिएको थियो ।

गोत्जे ८८ औ मिनेटमा मिरोस्लाभ क्लोजको स्थानमा मैदान छिरेका थिए । खेलको १ सय १३ औं मिनेटमा अर्का सब्स्टिच्युट आन्द्रे सर्लेको क्रसमा छातीले नियन्त्रण गरेपछि गोत्जेले प्रहर गरेको बल सुन्दर गोलमा परिणत भएको थियो । तयही गोल जर्मनीलाई २४ वर्षपछि विश्वकप जिताउन पर्याप्त भयो ।

जर्मनी पहिलो पल्ट १९५४ मा विश्वकप च्याम्पियन भएको थियो । त्यसपछि उसले १९७४ र १९९० मा विश्वकप जित्यो । अहिलेको सफलतासँगै जर्मनी चौथोपल्ट च्यम्पियन भयो । यसो त जर्मनी दक्षिण अमेरिकी भुमिमा विश्वकप जित्ने पहिलो युरोपेली टिम बनेको छ । सेमिफाइनलमा ब्राजिलविरुद्ध ७–१ को फराकिलो जित निकालेको जर्मनीलाई फाइनलमा भने अर्जेन्टिनाको कडा चुनौती बेहोर्नुप¥यो । अर्जेन्टिनी टिममा लियोनेल मेसी भएकाले पनि धेरैले विश्वकपका हकदारका रुपमा हेरिएको थियो । तर जर्मनीसँग कडा प्रतिस्पर्धामा मेसीको कौशल टिक्न सकेन । अर्जेन्टिना सेमिफाइनलमा डच टोलीलाई पेनाल्टी सुटआउटमा ४–२ ले हराउदै फाइनलमा आएको थियो ।

अर्जेन्टिना फाइनलमा आइपुगेपछि नेदरल्यान्डका स्ट्राईकर स्नाइडरले कुनैपनि हालतमा जर्मनीले विश्वकप जित्ने दाबी गरेका थिए । नेदरल्यान्ड ब्राजिललाई ३–० ले हराउदै तेस्रो स्थानमा चित्ता बुझाएर घर फक्र्यो । यो टोली अघिल्लो पटकको उपविजेता थियो । घरेलु मैदानमा आयोजना भएपनि ब्राजिलको प्रदर्शन भने खराब रह्यो । स्ट्राईकर नेमार घाइते भएपछि उनीहरुको दशा सुरु भएको बताइन्छ ।

गोल्डेन बल
लियोनल मेसी, अर्जेन्टिना
गोल्डेन बुट
जेम्स रेड्रिग्वेज, कोलम्बिया
उत्कृष्ट गोलकिपर
म्यानुएल नोए, जर्मनी
उत्कृष्ट युवा खेलाडी
पउल पोग्बा, फ्रान्स

जर्मनीलाई तीन अर्ब ५० करोड ५० लाख

फिफा विश्वकप–२०१४ च्याम्पियन जर्मनीले वल्डकपको साथमा ३५ मिलियन अमेरिकी डलर अर्थात करिब तीन अर्ब ५० करोड ५० लाख रुपैया नगद पाएको छ । उपविजेता अर्जेन्टिनाले २५ मिलियन अर्थात २ अर्ब ३७ करोड ५० लाख र तेस्रो नेदरल्यान्डले २२ मिलियन डलर अर्थात २ अर्ब नौ करोड पाएको छ । चौथो ब्राजिलले २० मिलियन डलर अर्थात १ अर्ब ९० करोड पाएको छ । क्वाटर फाइनलबाट बाहिरिने प्रत्येक टोलीले १४ मिलियन डलर पाएको छ । त्यसैगरी दोस्रोचरणबाट बाहिरिने आठ टोलीले ९ मिलियन डलर र पहिलो चरणबाट बाहिरिने टोलीले ८ मिलियन डलर पाए । यसअघि विश्वकप भिडन्तका लागि छानिएका ३२ टोलिलाई १५ लाख डलर प्रदान गरेको थियो ।
उरुग्वेका स्ट्राइकर लुईस स्वारेज बेलाबेलामा असामान्य ब्यवहारबाट विवादमा तानिन्छन्।

रोचक रोचक

विश्वकपमा उत्कृष्ट प्रर्दशन गर्दै तेस्रो भएको नेदरल्यान्ड्स टोली आफैमा चर्चित रह्यो। पहिलो खेलमै साबिक विजेता स्पेनलाई ५९१ गोलले हराएको थियो। विश्वकप इतिहासमा सुरुआती खेलमै साबिक विजेताले बेहोरेको यो सबैभन्दा फराकिलो हार थियो। स्पेनको हार र नेदरल्यान्ड्सको जितले निकै चर्चा पायो। तर चर्चा हार र जितमा मात्र सीमित भएन। डच खेलाडी रोबिन भान पर्सीले गरेको एउटा हेड गोलले पनि विश्व फुटबलप्रेमीको ध्यान आकर्षित गस्यो। रोबिनले विपक्षी रक्षकलाई पार गर्दै डिबक्सको बाहिरबाट डाइभ गरी हेड गोल गरेका थिए। रोबिनको त्यही दर्शनीय गोललाई नेदरल्यान्ड्स सरकारले सिक्कामा समेट्ने भएको छ। त्यस्ता सिक्का ६ हजार उत्पादन गरिने र ती सबै एकै दिनमा बेचिसक्ने जनाइएको छ। एउटा सिक्काको मूल्य १३।५४ डलर तोकिएको छ। अन्तर्राष्ट्रिय फुटबलमा भान पर्सीको उक्त डाइभलाई ुसुपरमेन शैलीु को नाम दिइएको छ।

९ब्यवसायिक फुटबलका महंगा खेलाडी उनी स्वारेज ब्राजील विश्वकपमा सबैभन्दा विवादित रहे। इटालीबीरुद्ध समुहचरणको खेलमा इटालीका रक्षक जर्जियो चेलिनीलाई ढाडमा टोकेपछि स्वारेज विश्वकप नसक्दै घर फर्किएका थिए। मैदानमा विपक्षी खेलाडीलाई टोक्न माहिर स्वारेजले यसअघि पनि इङ्लियस प्रिमियर लिगमा प्रतिद्वन्दी खेलाडीलाई टोक्दै आएका थिए। स्वारेजले मैदानमा विपक्षी खेलाडीलाई टोकेको यो तेस्रो पटक थियो। विश्वकपमा चेलिनीलाई टोकेपछि भने उनी विश्वभर आलोचित बने। चेलिनीलाई टोकेपटि स्वारेजको विषयमा प्रतिमिनेट ४८ हजारको संख्याका आलोचित ट्वीट भएका थिए। टोकाईलाई लिएर फिफाले स्वारेजलाई चारमहिने प्रतिबन्धको कारबाही समेत गरेको छ। प्रतिबन्धको कारबाहीमा परेका २७ बर्षीय स्वारेज आगामी सिजनका लागि बार्सिलोनामा आवद्ध भएका छन्।