बाबुको निर्वाचन क्षेत्रमा मुस्काउँदै देवयानीको नमस्कार

सिन्धुपाल्चोक : भारतमा बस्दै आएकी देवयानी राणा आजको चुनावमा सक्रिय देखिइन्। पशुपतिशम्शेर राणाकी छोरी देवयानी यसपाला बाबुलाई जिताउने उद्देश्यका साथ सिन्धुपाल्चोक पुगेकी थिइन्। सिन्धुपाल्चोक र काठमाडौंका चुनावी अभियानमा समेत उनको सक्रियता थियो।

आज सिन्धुपाल्चोक क्षेत्र नम्बर २ मा भएको मतदान हेर्न पनि उनी बाबु पशुपतिशम्शेरसँगै पुगेकी थिइन्। मतदातासँग नबोले पनि मुस्काउँदै उनले नमस्कार गरेकी थिइन्। पछिल्ला दुई निर्वाचनमा पशुपतिशम्शेर सिन्धुपाल्चोकको चुनावी परिणाममा कमजोर सावित भइसकेका छन्। यसपाला उनले जित्न सकेनन् भने यो उनको हारको ह्र्याट्रिक हुनेछ। 

दरवार हत्याकाण्डपछि लामो समय नदेखिएकी देवयानीले पछि भारतमै घरजम गरेकी हुन्। यसपाला चुनाव प्रचारदेखि मतदानको दिनसम्म उनी बाबुसँगै देखिएकी छिन्।

प्रकाशित मिति १० मंसिर २०७४

लेखक नेत्र तामाङ

स्रोत पहिलोपोस्ट