नेत्र तामाङ
एक बिटो ५०० रुपैयाँका नोट हात परेको थियो । एक बिटो नोट हातमा ल्याउने वित्तिकै श्रीमती खुसी भइन् । पहिलोपटक एक बिटो ५०० रुपैयाँको नोट यसरी हातमा परेको थियो । यति पैसा हत्केलामा परेपनि आफुलाई भने त्यति खुसी लागेको थिएन ।
नोटमा लाएको रबर र स्टिच पिन खुस्काउन झन्डै आधा घन्टा लाग्यो । दिक्का लगाएरै बल्ल बल्ल खुस्काएँ । बजेड बाँडफाँड गर्ने क्रममा एउटा नोट श्रीमतीको भागमा प¥यो ।
छोराको स्कुल फि, रासन, बिजुलीपानी, फोहोर, खानेपानी, लुगाधुने पानी, नेट, फोन, मोबाइल रिचार्ज कार्ड, घरभाडा, दुध, पसलको बाँकी, सापटी लिएको ऋण छुटाउँदा एउटा नोट मात्र श्रीमतीको भागमा प¥यो । आधा घन्टा लगाएर फोरेको नोटको बिटो दूई मिनेटमै बाँडफाँड गरिसकियो ।
आधा घन्टासम्म खुसी श्रीमतीको मुस्कार एकैपटक उडान भरेर बेपत्ता भयो । आफ्नो भागमा एउटै नपरेपनि श्रीमतीको रिसको अगाडि हाँस्नु सिवाय के नै गर्न सक्थे र !
लाग्यो, ‘यो पैसा भन्ने चिजै यस्तै हो ।’
सुनेको थिएँ, ‘पैसाको मुख रातो हुन्छ रे ।’ हो आज त्यस्तै लाग्यो ।
त्यही बेला एउटा गीत बज्यो ।
कहिले दिन आउला र रुख रोपेर पैसा फलाउने ?
आफु त अलि खर्चलु मान्छे, मेरो त मायाले काठमाडौंमा ट्याक्सी चलाउने
यो गीतको भिडियो खोजेर यहाँ पोस्टेको छु । तपाइहरू पनि हेर्नुस, सुन्नुस है ।
