वेभसाइटले विज्ञापन जारी गर्दै आफ्ना उपभोक्ताहरुलाई गोबर बेच्ने कुराको जानकारी दिएको केहि क्षणमा नै तीस हजार अमेरिकी नागरिकहरुले अर्डर दिन सुरु गरेको बताइएको छ । एक बक्स गोबरको मूल्य करिब ६१५ नेपाली रुपैयाँ राखिएको थियो ।
अमेरिकामा थ्याङ्क्स गिभिङ डे पछिको शुक्रबार ब्ल्याक फ्राइडे भनिन्छ । यहि दिनदेखि नै क्रिसमसको सपिङ सुरु हुने गर्दछ र सबै मानिसहरु किनमेलमा नै व्यस्त हुने गर्दछन् । मानिसहरुको यहि व्यवहारको फाइदा उठाउँदै कार्डस् एगेन्स्ट ह्युमनिटीले आफ्नो सबै गेम साइटबाट हटाइदिए र ‘बुलशिट बक्स’ ९गोबर० लाई मात्र बिक्रीको लागि राखिदिए ।
आफ्ना उपभोक्तालाई फजुल खर्च नगर्न आग्रह गर्दै साइटबाट गेम हटाइएको कम्पनीले जनाएको छ । रमाइलो गर्नका लागि निकै चर्चित यो कम्पनीको अफरप्रति मानिसहरुले केहि आश्चर्यचकित पार्ने किसिमको वस्तु होला भन्ने सोचेका थिए । हो, उनीहरु आश्चर्यमा परे तर अर्को रुपमा । जब ती मानिसहरुको घरमा प्याकिङ गरिएको वस्तु आइपुग्यो तब उनीहरु अचम्ममा परे ।
थुप्रै मानिसहरुले आफ्नो अर्डर फिर्ता लिन समेत आग्रह गरे । तर यसो हुन सकेन । ‘कार्डस् अगेन्स्ट ह्युमनिटी’ एउटा यस्तो कम्पनी हो जसले पार्टी गेम बेच्ने गर्दछ । गेममा कालो र सेतो रङको कार्ड हुने गर्दछ । एकजना व्यक्तिले कालो कार्डबाट ‘फिल इन ब्ल्याङ्क्स’ प्रश्न सोध्ने गर्दछ । बाँकी सबै मानिसहरुले आफ्नो सेतो कार्डबाट यसको जवाफ दिने गर्दछन् । त्यसपछि जसले पूरा वाक्य तयार गर्दछ, त्यहि व्यक्तिले नै यो गेमलाई रोमाञ्चक बनाउने गर्दछ ।-एजेन्सी-रातोपाटी डटकमबाट
No comments:
Post a Comment